PetDeeds_PI

11/9PI的第一天:

狗狗跌咗落海,已經俾同事救返上嚟同馬上送咗去沖涼,麻煩各位幫狗狗一齊尋找主人。因為有狗帶嘅,所以應該係唔小心走失!!!!!

尋主人

最新進展: 多謝大家咁熱心幫助狗狗,雖然暫時未搵到主人!師父幫狗狗改名叫少年派(海上救返嚟嘛)我哋已經帶咗狗狗去做身體檢查,發現右睪丸脹大,可能是cancer,仲有輕微貧血同發炎,肝臟指數上升,有心漏聲....我哋大家一齊幫啊pi加油渡過難關,希望更多義工同愛心人士可以幫手,師父會繼續幫助啊pi,感激大家!

阿pi最新消息跟進

少年pi尋日下午安排咗做手術,到晚上11點pi做完手術醒返,手術順利暫時無咩大礙,但系都要留院十日觀察情況!!多謝大家對pi仔嘅祝福和關心,師父相信阿pi好快好返同會得到幸福和溫暖~~~咁多人錫pi仔,pi仔感受到嫁~再一次感謝大家!! 師父好感激大家對阿pi的關心和鼓勵...好多朋友仔inbox同打電話俾我哋問可以唔可以捐錢俾阿pi,幫助阿pi渡過難關!師父代替阿pi說聲多謝大家!暫時我哋Pet師父基金仲可以幫助到d流浪貓狗,同埋Pet師父一定會兌現當初成立時候對所有毛孩的承諾和做到保護所有毛孩的使命!我哋一齊為毛孩加油和努力!

領養代替購買

用愛終止流浪‬ 少年Pi最新消息,Pi 的主人已揾到,但係佢決定放棄阿Pi, Pet師父會繼續幫助Pi仔, 多謝各位熱心相助,阿 Pi身體十分虛弱, 要等精神好啲先帶回Pi重獲幸福, 大家一齊支持Pi要渡過難關! 加油Pi!!!

12/2 pi出院啦!!! 少年pi終於出院了!今日師父等咗一日,終於接到Pi仔了,當場眼濕濕!pi仔好乖好懂事,返到嚟乖乖食嘢乖乖飲水乖乖休息!pi仔暫時有d虛弱有d瘦,但係師父我一定會將pi仔照顧好等pi仔健健康康!多謝大家從救pi仔到而家一直俾pi仔支持同關心,大家一齊獻愛心幫助pi仔師父覺得好感動好感激!師父救護基金仲可以支持同救助毛孩,大家唔洗擔心!無論幾困難幾艱難幾多阻攔,師父都一定唔會放棄,只要有你哋支持,師父就夠氣夠力面對所有困難!

12/3

今日啊Pi都係無咩精神。不過朝早終於出聲吠喇。尋晚一大盤食物都食晒。 不過真係好怕醜,有人係度就唔食野!hahahha⋯⋯

Comodo SSL